Energy Storage

Imanol Landa UPV/EHUko Graduondoko Batzordeak ematen dituen Doktoregoko Sari Berezien irabazlea izan da, Zientzien alorrean. Imanolen doktorego-tesia, “Non-aqueous Li- and Na-O2 batteries: Study and analysis of electrochemical processes”, Idoia Ruiz de Larramendi Villanueva doktoreak zuzendu duena, Kimika Organikoa Sailaren bidez defendatu da.

2019ko ekainaren 28an egin zen bileran, UPV/EHUko Graduondoko Batzordeak Doktoregoko Sari Bereziak emateko proposamenak onartu zituen, epaimahaiek 2016/2017 ikasturterako aurkeztu zituztenen artean.

iModBatt eta GHOST Europako proiektuek Workshop bat antolatuko dute 2019ko urriaren 18an CIDETEC Energy Storage-en Donostiako instalazioetan. Bi proiektuek ordurako okerrena gaindituta izango dute eta atseginez partekatuko dugu gainerako partaideekin lortutako emaitzei buruzko eztabaida.

Workshop honetan abian dauden jarduerak aztertuko dira, hau da, errepidezko garraioaren ingurumen-eragina txikitzekoak,  eta bereziki, bateria modularrak garatu eta ibilgailu elektrikoen dentsitate energetikoa hobetzeko irtenbideak.

Aurkezpenen deialdia

iModBatt eta GHOST-ek harrera egin diete bi proiektuen gai nagusienekin zerikusia duten proiektuei:

· BMS
· Gelaxkak hautatu erabilera-kasuen arabera.
· Gelaxka, modulua eta bateria aztertu.
· Gelaxkaren diseinua, modulua eta bateria (diseinu elektrikoa, mekanikoa, termikoa).
· Moduluen eta baterien birziklatzea, bigarren bizitza edota berrerabilpena.
· Bateriak fabrikatzeko prozesuak: muntaia eta desmuntaia.
· Material arinak bateriaren diseinurako.
· Bateria kargatzeko metodoak.
· Bateriak integratu eta testatu ibilgailuan.
· Sarera konektatutako ibilgailua.
· Emaitzen ustiaketa.
· LCA, LCC, S-LCA

Workshopean egon eta zure proiektua aurkeztu nahi baduzu (15 minutuko aurkezpena), arren, jarri gurekin harremanetan. Atseginez jasoko dugu proiektuaren laburpen bat (200-300 hitz) edo bertan garatutako edozein gairena ere bai: imodbatt@cidetec.es.

Posterren deialdia

iModBatt eta GHOSTek posterren saio bat antolatuko dute, proiektuen arteko elkarreragina areagotzeko eta partaideen artean sareak sortzeko jarduera hobetzeko. Posterretarako gaiak, hasiera batean aurkezpen-ekitaldirako adierazitako berdinak dira, baina helburua are zabalagoa izan daiteke, beraz, ibilgailu elektriko puru edo hibridoei buruzko edozein gai eta energia biltegiratzeari buruzko edozein interesgarria izan daiteke. Parte hartzeko, bidali posterraren edukiaren laburpen bat (200-300 hitz) helbide honetara: imodbatt@cidetec.es.

Workshopeko agendari buruzko informazio gehiago eskainiko da uztailaren amaieran.

Informazio gehiago: https://cidetec.es/imodbatt/en/horizon-2020-projects-imodbatt-and-ghost-host-a-workshop/

Batteries Europe plataforma ofizialki eratu zuten Bruselan, ekainaren 25ean. Batteries Europe da Europako Batzordeak sustatutako ekimena, baterien arloan berrikuntza eta ikerketa bultzatzeko xedearekin. Plataformak baterien ikerketan eta garapenean diharduten kontinenteko eragile nagusiak biltzen ditu, eta I+Bko gidalerro teknologikoak proposatzen ardaztuko da, etorkizuneko industriarako eta ekonomiarako alderdi nagusi batean Europako lehiakortasuna bermatze aldera. Baterien ikerketa eta berrikuntzarekin lotutako ekosistema europarrerako one-stop-shop gisa aurkeztu da Batteries Europe; eragile teknologikoak eta industria biltzen ditu, balio-kate osoan zehar premia nagusiak identifikatu eta lehenesteko.

Óscar Miguelek, CIDETEC Energy Storage-ren zuzendariak, euskal ikerketa-zentro teknologikoaren lana zuzenduko du, “Manufacturing & Cell Design” lan-taldeko koordinatzaile gisa. Haren ezaugarriak kontuan harturik, estrategia europarraren ardatz bihurtuko da, zalantzarik gabe. Miguel doktorearen iritziz: “Lehengaietatik eta teknologia berrien garapenetik hasi eta lortutako bateriak hainbat aplikazio garrantzitsutan (elektromugikortasuna, geldikorrak edo birziklatzea, haien bizitza baliagarriaren amaieran) txertatzeraino heltzen den kate bateko ardatza osatzen dute baterien diseinuak eta fabrikazioak. Lan garrantzitsu hau garatuko duen lan-taldearen koordinazioa guri esleitzeak CIDETECek arlo honetako gidalerro europarretan hartu duen erantzukizunaren nabarmentasuna berresten du, eta, horrez gain, Gipuzkoaren eta Euskadiren posizionamendua irmotzen du, gure erakundeek diseinatutako estrategiekin bat etorriz, energia gordetzeko teknologia berrien eta aplikazioen garapenaren arloan erreferentziazko eskualde gisa Europa osoan.”

CIDETEC Energy Storage-k Batteries Europe-kin bat datozen beste ekimen batzuetan ere parte hartzen du, adibidez, BATTERY 2030+, epe luzerako ikerketa-ekimena, edo European Battery Alliance, industria-ekimenetara bideratutako ikuspuntu batekin.

Europako Batzordeak Batteries Europe ekimena abiarazi du, baterien arloan berrikuntza eta ikerketa sustatzeko asmoarekin, Europa atzean gera ez dadin. Izan ere, une honetan fabrikatzaile asiar batzuk kontinentean lantegiak ezartzea aintzat hartzen hasi dira, ibilgailu elektrikoen merkatu indartsuaren eskari gorakorrari erantzuteko. Batteries Europe-k, 2017an sortutako Europako Baterien Itunarekin (EBA) batera, Europan balio-kate iraunkorra sortzea proposatzen du, 2025ean urtean 250 000 milioi eurotan balioztatutako merkatuarengatik (Danimarka bezalako herrialde baten BPGren baliokidea) lehiatzeko gai. Horrela, Europako industriaren mendekotasuna saihestu nahi da, eta baterien enplegu- eta hazkunde-aukerak eta inbertitzeko potentziala ustiatu.

“Europak baterien kontsumitzaile bat soilik izan nahi ez badu, hazkunde potentzial ikaragarria duen merkatuaren liderrak izan nahi badugu eta hari etekina atera nahi badiogu, kontinenteko ikerketaren, garapenaren eta berrikuntzaren ekosistemaren kide nagusien gaitasunak eta ahaleginak bateratu beharko ditugu, industriari aberastasuna sortzeko oinarri sendoa eskaintze aldera. CIDETEC bezalako euskal zentro teknologiko batentzako, garrantzia honetako ekimenaren liderretako bat izateak maila altueneko erronka eta aukera da”, ondorioztatu zuen Óscar Miguelek.

2019ko apirilaren 9tik 10era bitartean, hirugarren Batzar Orokorra antolatu zen aurrerapenen berrikusteko bilerarekin batera, Europar Batasunean, Bruselan, Euskal Herriak duen ordezkaritzan.

Martxoaren 18ra arte egindakoa ikusteko eta hurrengo urratsetan pentsatzeko aukera bikaina zen. Ordurako (martxoaren 18rako), iModBattek beteta zuen proiektuaren mugarririk garrantzitsuenetako bat, bateriaren diseinu orokorra ixtearena, hain zuzen ere. Oraindik doikuntza batzuk egin behar zaizkio, baina itzulbiderik gabeko puntua dagoeneko gurutzatu dugunez, aldaketa txikiak soilik egin daitezke. Horren arrazoia da fikziozko modulu, modulu erreal eta pakete askoren osagaiak erosi egin behar direla, proposatutako bateria diseinua garaiz muntatu, probatu eta baliozkotu ahal izateko.

Hori dela eta, Batzar Orokorra honela antolatu zen: lehenik eta behin, lan sorta guztietako buruek lan sorta bakoitzaren alderdirik aipagarrienak definitu zituzten eta, gero, itxi gabe edo zehaztu gabe zeuden gaiak eztabaidatu ziren, lan sortaren diseinua ixteko. Arazo nagusiak moduluarekin eta bateriarekin, eta sistema termikoaren akoplamenduarekin lotutakoak izan ziren, bateria Renault ibilgailuan txertatzearekin lotutakoez gainera. Bigarren egunean, berrikusteko bilera izan genuen David Guedj jaunarekin, gure Proiektu Arduradunarekin, alegia. Lan sortetako buruek proiektuaren lehenengo erdian lortutakoaren berri eman zuten eta, lan sortetako buruen, koordinatzailearen eta proiektu arduradunaren arteko iritzi truke emankor baten ostean, batzarra amaitutzat jo zen.

CIDETECek eskerrak ematen dizkio Eusko Jaurlaritzari, Bruselan duen ordezkaritza bilerarako erabiltzeko aukera eman zigulako.

Laster izango da CRM Day eguna, izenburu honekin: Transitioning to a low carbon and energy efficient economy: Battery Raw Materials vs CRMs behind the scene.

Critical Raw Materials Alliance-k (CRM Alliance) antolatu du ekitaldia. Hemen dago eskuragarri ekitaldiko agenda.

2019ko martxoaren 20an izango da biltzarra, Bruselan, Renaissance Brussels Hotel hotelean, eta bi mahai-inguru izango ditu: «Battery Raw Materials» eta «CRMs behind the scene».

CIDETEC Energy Storage-ko zuzendari Oscar Miguel Crespo doktoreak hartuko du parte ekitaldi nabarmen honetan, EGVIAren ordezkari gisa (European Green Vehicles Industrial Association). Hitzaldi gonbidatu bat emango du elektromugikortasuneko baterien inguruko gaur egungo erronkei eta teknologiei buruz, eta CRM materialek eskaintzen dituzten aukerak nabarmenduko ditu. Egun pil-pilean dagoen gaia da; horren erakusgarri, Europan askotariko ekimenak daude martxan bateriak ekoizteko tokiko ahalmenak ezartzeari dagokionez, bereziki jasangarritasunaren ikuspegitik.

————————————–

Sektoreak sortu du Critical Raw Materials Alliance (CRM Alliance), CRM materialek Europako ekonomiarako duten garrantzia defendatzeko eta Europako CRM politika sendo bat sustatzeko. CRM materialen ekoizle nagusi, merkatari eta elkarteen ordezkaritza-erakundea da. Bere kideen bidez, CRM Alliance-k zerrendako 27 lehengai kritikoetatik ia guztiak ordezkatzen ditu, eta haien kopurua handituz doa etengabe.

European Green Vehicles Initiative Association (EGVIA) irabazi-asmorik gabeko nazioarteko elkarte bat da. 2013an sortu zen eta, gaur egun, 84 kide ditu, bai automobilgintzaren, sistema adimendunen eta sare elektriko adimendunen sektoreetakoak, bai ikerketa-zentroetakoak eta unibertsitateetakoak.