CIDETEC Energy Storagek bateriak garatzeko cideMOD softwarea partekatu du

Github plataforman eskura daiteke tresna hori, munduko baterako garapen-plataformarik handienean.

Prestazioen iragarpena eta baterien bizitza erabilgarria dira haren funtzionalitate nagusiak. Horretaz gainera, erabat pertsonalizatu daiteke gelaxkaren geometria, baita taben posizioa ere, konfigurazioa optimizatzeko; horretaz gainera, oso pertsonalizagarriak dira simulazio-baldintzak ere.

Doyle-Fuller-Newman ereduan oinarritzen da cideMOD. Eredu horretan, elementu finituen metodoen bidez ebazten dira ekuazio fisiko-kimikoak, FEniCS liburutegia erabiliz. Fisikan oinarritutako bateria-simulazioak egiteko aukera ematen du, erabilera-kasu ugarirekin; esaterako, gidaritza-zikloak, eta GITT/PITT eta halako karakterizazio-teknikak.

cideMOD pXD eredu bat da (pseudo X-dimentsionala), eta jatorrizko P2D eredua zabaltzen du (pseudo 2-dimentsionala). John Newmanek eta kolaboratzaileek proposatua (1D-tik 2D-ra eta 3D bateriaren geometriara). Beraz, bateriaren geometria osorako ebazten dira espazioan karga-balantzea, masa-balantzea eta erreakzio-zinetika, baita energia-balantzea ere, bateriaren egoeraren propietateen homogeneotasunik eza kontuan hartuta. Ildo horretan, cideMOD softwareak eredu gehigarri batzuk ditu gelaxken portaera termikoa ebazteko, bero-iturri nagusiak barne, eta bateriaren degradazioa aztertzen du SEI geruzaren hazkundearekin. Era berean, hainbat material aktibo onartzen ditu elektrodoetan, bai eta tenperaturaren mendeko elektrodoak eta elektrolito ez-linealak garraiatzeko propietateak ere.