Sure2Coat

Proiektua:

Sure2Coat egitasmoaren helburua da ekarpen garrantzitsua egitea trantsizio digitalizatua eta jasangarria lortzeko eta Europako manufaktura-enpresei lehiakortasun handiagoa eskaintzeko. Horretarako, berrikuntza-ekosistema berriak sustatuko ditu, forma konplexuen osagaietarako azalera-tratamendu jasangarriak garatuz eta integratuz.

Sure2Coat egitasmoaren kontzeptua da gainazaleko tratamendu berri edo optimizatuak garatzea eta integratzea fabrikazio-lerroetan (TO1), hiru erabilera-kasuren bidez (TO3 eta TO4). Emaitzek ekarpen nabarmena egingo diote Europako manufaktura-industriari eta EBren hazkunde-estrategiari (TO5). Erabilera-kasuen bidez, Sure2Coat egitasmoak frogatuko du azken erabiltzaileak energia gutxiago baliatzen duela eta, ondorioz, murriztu egiten dituela energia eta materialen kontsumoa, CO₂ isurtzeak eta kutsadura ekoizpen-aldian.

Sure2Coat proiektuaren arrakasta Europako zazpi herrialdetako hamabi industria- eta ikerketa-bazkideren arteko lankidetzaren emaitza da. Inplikatutako bazkideek hainbat zereginetan lagunduko dute, hala nola teknologiak optimizatzen eta garatzen, baina baita emaitzak komunikatzen, hedatzen eta ustiatzen ere.

CIDETEC-en zeregina proiektuan:

CIDETEC Surface Engineering etxeak aluminioaren gaineko estaldura anaforetikoak garatu eta karakterizatuko ditu, elikaduraren sektoreko motor elektrikoen karkasetan erabiltzen den altzairu herdoilgaitza ordezteko. Estaldurak murgiltze bidez eta Brush Plating bidez egingo dira, eta, hala, teknologiarik egokiena hautatu ahal izango da, estaldurak eskatutako propietateekin sortzeko eta produkzio-lerroetan erraz txertatu ahal izateko.