SOLVE

Egoera solidoko bateriek (solid-state batteries, SSB) eragile goiztiar bat izateko eta munduko baterien merkatuan duen posizioa hobetzeko aukera eskaintzen diote Europar Batasunari. Baterien arloko industriako eta akademiako eragile garrantzitsuz osatutako partzuergo baten babesarekin, SOLVE proiektuaren helburua Gen4b belaunaldiko egoera solidoko bateriak masiboki produzitzeko behar diren hobekuntzak lortzeko ekarpena egitea da, ikerketa eta garapenerako duen oinarri sendoaz baliatuta.

Horretarako, sektorearen hazkundea moteltzen duten oztopo nagusiei helduko die SOLVEk, berrikuntza guztiak balio-katearen fase nagusietan frogatuta, material aktibo nahiz inaktiboak eta erlazionatutako prozesatze-teknikak industriaren baldintzetan optimizatuz (TRL>=6). Horri esker, errendimendu handikoak, merkeak eta izatez seguruak nahiz jasangarriak diren 20 Ah-ko egoera solidoko baterien prototipoak lortuko dira, baita kontzeptua frogatzeko 0,25 kWh-eko modulu bat, hauetan oinarrituta: (i) polimeroetan oinarritutako elektrolito hibrido, fin, solido eta akatsik gabeak (<=30 μm, >0.5 mS/cm @25-40 ºC, >4,7 V); (ii) 4V klaseko katodoen material aktiboetan oinarritutako (>200 mAh/g) goi-kargako egoera solidoko katodoak (>4.0 mAh/cm2), eta (iii) litio metalikozko anodo ultrafinak (litio-soberakinik gabeko egoera solidoko bateriak garatzeko korronte-kolektore litofilo iraultzaileak barne) (<10 µm, >3.000 mAh/g). Horiek guztiak R2R prozesu eskalagarri eta jasangarrien bidez produzitzen dira.

Prozesu osoa indartzeko, aurrez garatutako tresna eta modelo digitalak inplementatu eta egokituko dira, egoera solidoko baterien diseinatze-prozesua bultzatu eta bizkortzeko helburuarekin. Halaber, nahitaezko jasangarritasun-irizpideak aplikatuko dira, baliabideak modu efizientean erabiltzea sustatzeko, diseinu ekologikoen printzipioetan oinarrituta eta birziklatze-prozesu berritzaileak garatuta.

CIDETEC-en zeregina proiektuan:

CIDETEC Energy Storage proiektuaren koordinatzailea eta bi lan sortaren zuzendaria da.

CIDETECek zenbait jarduera teknikotan hartuko du parte:

• Materialen, gelaxka-osagaien, gelaxken eta moduluen zehaztapenak, diseinua eta proba-protokoloak definitzea.
• Aurrez garatutako PROTEO™ web-tresna erabiltzea gelaxken diseinua eta 3Dko modelatzea bizkortzeko, katodoen mikroegitura optimizatzeko.
• Egoera solidoko baterien osagaiak garatzea, eskalatzea, fabrikatzea eta definitzea: katodoak, anodoak eta elektrolito solidoak.
• 10-20 Ah-ko egoera solidoko baterien gelaxkak poltsa-formatuan garatzea, fabrikatzea eta frogatzea, baita haien prototipoak egitea ere.
• 20 Ah-ko egoera solidoko baterien gelaxketan oinarritutako 0,25 kWh-ko moduluak garatzea, fabrikatzea eta frogatzea.