NoVOC

NoVOC proiektuan, ingurumenaren aldetik jasangarriak diren prozesamendu-teknikak lantzen dira, litio-ioizko baterietarako osagai zelularren eta elektrodoen eskala handiko fabrikazioari aplikatzeko. NoVOCen jarduerak honako gai hauetara bideratzen dira:

1. Karbono-aztarna txikiagoa duten zelulen fabrikazioa Europan.

2. Elektrodoak eta zelulak fabrikatzeko teknika jasangarri berriak, energia-kontsumo txikikoak eta konposatu organiko lurrunkorrik (KOL) isuri gabe.

3. Elektrodoen estalduren ekoizpenean disolbatzaile organikoak desagerrarazteko teknikek murriztu egiten dituzte disolbatzaileak berreskuratzeko sistemari lotutako kapital-kostuak.

4. Lehorreko fabrikazio-teknikak, azken belaunaldiko materialak erabilita.

5. Zirkuitu itxien industrializazioa eta fabrikazio-prozesuetako balio txikiko substantzia kimikoak balio handiko produktu bihurtzeko prozesuen diseinua.

NoVOC proiektuan, automobilgintzako baterietarako elektrodoak fabrikatzeko bi teknologia lehiakor diseinatu eta frogatuko dira, uretan eta lehorrean egitekoak, Europako ekoizpenera bideratuta. NoVOC proiektuan proposatutako berrikuntzen helburua zelulak fabrikatzeko prozesua hobetzea da, elektrodoen bi prozesu berri txertatuta, eta automobilgintzako zelulak bi formatutan (pouch eta zilindroa) fabrikatu daitezkeela frogatuko da, betiere disolbatzaile organiko toxikorik erabili gabe, egungo zelula-fabrikazioaren kostuaren zati batean.