InnoBMS

Proiektua:

InnoBMS proiektuaren helburu nagusia bateria kudeatzeko sistemarako (BMS) azken belaunaldiko software- eta hardware-soluzio bat garatzea eta frogatzea da (TRL6 mailan), etorkizunerako prestatuta dagoena eta bateriaren erabilera eta errendimendua optimizatzen dituena haren balio-bizitzari eragin gabe, baita muturreko baldintzetan ere, eta uneoro segurtasuna mantenduz. Zehazki, InnoBMSren proposamenari esker, bateria-paketearen bolumen-dentsitatea % 12 handiagoa izango da, bateriaren balio-bizitza % 33 luzeagoa, eta frogatutako balio-bizitza 15 urtekoa. Emaitzak frogatzeko, saiakuntza-metodo berritzaileak erabiliko dira, BMSa frogatzeko denbora % 36an murrizten dutenak. Bi erabilera-kasutan frogatuko dira emaitzak: ibilgailu komertzial arin batean (Fiat Doblo Electric) eta furgoneta ertain batean (IVECO eDaily). Emaitzei esker, kostuak % 12 eta % 9,7 murriztuko dira turismo-ibilgailuetan eta ibilgailu arinetan, hurrenez hurren.

Helburu nagusia lortzeko, bost helburu tekniko ezarriko dira. 1) Askotariko baterietara egokitzen den BMS malgu eta modular bat eskaintzen duten eredu eta algoritmo hibrido aurreratuak, fisikoak eta datuetan oinarritutakoak. 2) Erabat konektatuta dagoen eta haririk ez duen BMS bat lortzeko software bat, komunikazio-zerbitzari gisa funtzionatzen duena ibilgailuaren E/E egituraren baitan, konexio-zentroan, ibilgailuko diagnostikoetan eta bateriari buruzko informazio guztiarekin lotutako erabakiak hartzean. 3) BMSaren haririk gabeko hardware eskalagarri bat autodiagnostikoa egiten duena, tamaina desberdinetako bateriak eragiketa-tentsio maila desberdinetan erabiltzeko aukera ematen duena eta sentsore adimendunak integratuta dauzkana. 4) Hodeiko estrategien eta prozeduren bidez, bateria hobeto erabiltzea eta etekin handiagoa ateratzea. 5) Simulazio-tresna sorta heterogeneo bat eta saiakuntza-metodo automatizatuak.

Ibilgailuen 2 fabrikatzailek, TIER1 mailako 2 hornitzailek, 3 ingeniaritza-enpresek, 2 unibertsitatek (e-power eta elektromugikortasunaren arloan aitzindariak), prestakuntza-erakunde erregistratu (RTO) batek eta 3 enpresa txiki eta ertainek osatzen dute partzuergoa. Bazkideek elkarlanean jardun dute aurreko proiektu batzuetan nahiz egun martxan dauden zenbait proiektutan, eta eskarmentu handia daukate teknologia berriak mundu errealean aplikatzeko ibilgailu berritzaileak sortzeko prozesuan.

CIDETEC-en zeregina proiektuan:

Ibilgailu elektrikoen motorizazioaren funtsezko osagai diren bateria-paketeak karakterizatzeko eta modelatzeko ikerketaren eta garapenaren arloan CIDETECek duen eskarmentua baliagarria izango da bateria kudeatzeko sistema termikoa (BTMS) hodeian kontrolatzeko aukera inplementatzeko, TRA bidezko detekzio goiztiarreko algoritmoak garatzeko eta litioaren estalketa elektrolitikoa hautemateko algoritmoak sortzeko.

Halaber, CIDETECen laborategi-instalazioak erabiliko dira gelaxketan ihes termikoko probak egiteko, garatutako algoritmoak baliozkotzeko helburuarekin.