HIMUGIk mugikortasuna eta garraioa eraldatuko ditu hidrogeno sistema seguruagoekin eta jasangarriagoekin

CIDETEC Surface Engineeringek funtsezko erronkei aurre egiten dien proiektuan parte hartzen du, hala nola ingurumen aztarna murriztea IV motako tankeen errendimendua arriskuan jarri gabe, hidrogeno bidezko hauskortasuna arintzea osagai kritikoetan, eta eragiketa seguruagoa eta fidagarriagoa bermatzea, balizko arriskuak identifikatuz eta prebenituz.

Hidrogenoak iturri berriztagarrietatik ekoizteko duen gaitasunak eta dentsitate energetiko handiak funtsezko bektore energetiko bihurtzen dute karbono gutxiko ekonomia baterako trantsiziorako. Hala ere, etorkizuneko ekonomia iraunkor batean duen potentziala guztiz aprobetxatzeko, funtsezkoa da erronka tekniko eta ekonomiko batzuk gainditzea. Horien artean daude hidrogenoa ekoizteko, biltegiratzeko eta erabiltzeko teknologia seguru eta eraginkorrak garatzea, bai eta hornidura azpiegitura irisgarri eta ekonomikoki bideragarri bat ezartzea ere.

Ibilgailuak, trenbideko garraioa, itsas garraioa eta garraio astuna barne hartzen dituen mugikortasun globaleko agertoki batean, eta hidrogenoa erregai fosilen ordezko gisa erabiltzen hasi dela ikusita, HIMUGI proiektuak, “Hidrogeno sistema seguruak eta jasangarriak mugikortasunerako/garraiorako”, mugikortasun eta garraio aplikazioetarako propultsio sistema eraginkorragoa, seguruagoa eta jasangarriagoa garatzea proposatzen du. Horretarako, 3 ardatz teknologiko landuko dira proiektuan: material jasangarrien eta IV. motako tankeetarako fabrikazio prozesu aurreratuen ikerketa, konfigurazio tubularretan; osagai metaliko kritikoen ikerketa, diseinu, fabrikazio gehigarri eta fragilizazio alderdiei helduz; eta segurtasunaren diseinua eta simulazioa, puntu beroak kontrolatuz eta sentsorizatuz, mugikortasunean hidrogenoa erabiltzean sistemaren segurtasun integrala bermatzeko.

HIMUGI proiektuaren emaitza gisa, hidrogeno presiozko saiakuntzen erakusle/banku bat garatuko da (350 bar), sistema laborategian baliozkotzeko, eta bertan integratuko dira proiektuaren esparruan lortutako aurrerapen teknologikoak. Erakusle horren kontzeptualizazioa eta diseinua CAF enpresarekin lankidetzan egingo da, eta trenetan aplikatzeko eta egungo erronka teknikoak ebazteko diseinatuta egoteaz gain, hidrogenoa presioz garraiatzeko sistema integral bat garatzeko eredu gisa ere balioko du.

Horregatik, proiektu hau aukera paregabea da Euskadirentzat, bertan parte hartzen duten enpresen indarguneak nabarmenduz eta indartuz. Gainera, euskal industria merkatuan modu bereizgarrian kokatzeko aukera emango duen lankidetza sustatzen da. Partzuergoa honako hauek osatzen dute: ARGOLABE INGENIERIA, proiektuaren koordinatzailea eta material konplexuen kalkulu eta dimentsionamenduan adituak; CASTRO, rotomoldeo bidezko pieza plastikoen garapenean espezializatuak; FIDEGAS, hidrogeno presurizatuaren integrazio aplikazioetan erreferenteak; IK/INGENIERIA, ingurumen aholkularitzan adituak; MARISKONE, material konposatuen manufaktura aurreratuko enpresa; OPTIMUS 3D, fabrikazio aditiboan espezialistak; TAMOIN, hidrogenoaren industriarako soluzio integraletan adituak; TEAM INGENIARITZA ETA AHOLKULARITZA, hidrogeno instalazioen segurtasuna kudeatzeko proiektuen garatzaileak; TRAFAG, gas presio, tenperatura eta dentsitate sentsoreen fabrikazioan espezialistak; eta ULMA FORJA, osagai forjatuen fabrikazioan adituak, brida eta loturen ikuspegi bereziarekin.

Zientzia, Teknologia eta Berrikuntzaren Euskal Sareko 4 erakundek ere parte hartzen dute proiektuan. CIDETEC Surface Engineering-ez gain, CEITek, TECNALIAk eta eskaintzaren eta eskariaren arteko bitartekaritza-eragileak ere parte hartzen dute: ENERGIA KLUSTERRA.

Proiektuak hiru urteko iraupena du (2024-2026), eta Eusko Jaurlaritzako Industria, Trantsizio Energetiko eta Jasangarritasun Sailak (HAZITEK programa) eta Eskualde Garapenerako Europako Funtsak (EGEF) diruz laguntzen dute.

Interesa duten erakundeek informazio gehiago aurki dezakete eta aurrerapenen berri izan@HIMUGI project proiektuaren LinkedInen.