Surface Engineering

Yolanda Alesanco, CIDETEC Surface Engineering erakundean lan egiten duena, UPV/EHUko Graduondoko Batzordeak ematen dituen Doktoregoko Sari Berezien irabazlea izan da, Zientzien alorrean. Yolandaren doktorego-tesia, “New electrochromic systems: multicolored, semi-solid and easy-to-make”, David Mecerreyes Molero eta Ana Viñuales Martínez doktoreak zuzendu dutena, Kimika Aplikatua Sailaren bidez defendatu da.

2019ko ekainaren 28an egin zen bileran, UPV/EHUko Graduondoko Batzordeak Doktoregoko Sari Bereziak emateko proposamenak onartu zituen, epaimahaiek 2016/2017 ikasturterako aurkeztu zituztenen artean.

“MAIER S. COOP Nazioarteko Diseinu Lehiaketaren” zortzigarren edizioaren sari banaketa ekainaren 28an egin zen Amorebieta-Etxanoko “Automotive Intelligence Center” -en. Bertara hurbildu dira, besteak veste, Iñígo Ucín MONDRAGON Korporazioko presidentea, Daimler Benz Kanpo Diseinu Zuendaria den Robert Lesnik, Renaulten Colour & Trim diseinu zuzendaria den François Farion, Byton-en Colour & Trim zuzendaria den Williane Oliveira, eta Huawei Technologies-en diseinu zuzendaria François Duris. CIDETEC Surface Engineering-en izenean bere zuzendaria, Eva García Lecina, eta Gemma Vara, marketin eta posizionamendu arduraduna, egon ziren.

Lehiaketaren edizio honetara 128 proiektu aurkeztu izan dira AEB, Frantzia, Alemania, Erresuma Batua, Italia, Espainia, Txina, India eta Brasil bezalako herrialdetatik. Gainera, irabazleen artean 15.000 euro inguru banatu dira saritan.  “Profesionalen” kategoriako lehen saria, 8.000 eurorekin hornitua, bulgariar jatorriko Nikolay Ivanov vienar arkitektoak garatu duen FLUX VISIONS proiektuari egokitu zaio. “Ikasleen” kategoriako saria, 4.000 eurokoa, Victor Groten donostiarraren AURA proiekturako izan da; Groten Diseinuko ingeniaria da Mondragon Unibertsitatetik, eta gaur egun Valentziako Unibertsitate Politeknikoko “Styling eta Automobilaren Kontzeptua” Masterra egiten ari da. “Materialen erakusgairik onenaren” sariari dagokionez, 2.000 eurorekin, College for Creatives Studies of Detroit (AEB) Vicas Sethi, Anuja Sanjeevi eta Sharan Ahooja ikasleek osatutako taldearentzat izan da. Azkenik, “Unibertsitaterik onenaren” saria, 1.500 eurorekin hornitua, Mondragon Unibertsitatera joan da.

Ekainaren 5ean, Fabrikazio Prozesu eta Ekipamenduen Nazioarteko 2019ko Azoka (Azpikontratazioa 2019) egin zen Bilbao Exhibition Centre-n, eta, haren esparruan, “REACH araudiaren eragina gainazalen tratamenduetan: etorkizun iraunkorrago baterantz” jardunaldia egin zen; gainazalen tratamenduen alorreko berrogeita hamar lagun bertan izan ziren.

REACH (Regulation on registration, evaluation, authorization and restriction of chemicals) Europako Batasunaren erregelamendu bat da, eta helburu ditu hobeto babestea giza osasuna eta ingurumena produktu kimikoek sor ditzaketen arriskuen aurrean, eta, sustatzea EBko industria kimikoaren lehiakortasuna.

2008 eta 2011 bitartean, REACH erregelamenduko hautagaien zerrendan sartu ziren gainazalen tratamenduen industrian erabiltzen diren zenbait konposatu kimiko. Horren arrazoi nagusia izan zen produktu horien erabilera saihesteko alternatibak sustatzea; Cr (VI) konposatuei dagokienez, zehazki, baimena eskatu beharko da haiek erabiltzeko, data jakin batetik aurrera.

Produktu horien alternatiba sendorik ez dagoenez, erregelamendutik salbuesteko eskaera ugari aurkeztu zaizkio ECHAri (Produktu Kimikoen Europako Agentzia). Alabaina, onartutako salbuespenak ez dira asko konposatuen ekoizleentzat eta produktu erdilanduen hornitzaileentzat, eta normalean haiek eskatzen dituzte salbuespenak, beren produktuak tratamendugileei saltzeko. Hori dela eta, tratamendu horien erabiltzaileak dagoeneko hasi dira ulertzen ez dela gaur egungo aplikazio guztietarako alternatiba bat izango epe ertain eta luzera. Horregatik, arazoari bermeekin heltzeko modu bakarra dago: ordezkapen-arazoak konposatu-familien edo aplikazioen arabera aztertzea.

Jardunaldi horretan, gainazalen tratamenduak eskatzen dituzten enpresetan REACHek duen eragina aztertu zen, eta, bai ingurumen-ezaugarriengatik, bai azken produktuek duten kalitateagatik industrian aplikatzeko modukoak izateko aukera handiak dituzten zenbait tratamendu/estaldura alternatibo aurkeztu ziren.

Jardunaldia AIASeko Elvira Martínek aurkeztu zuen, eta CIDETECeko José Antonio Díez eta Gemma Vara doktoreek zuzendu zuten. Hizlari aditu hauek hartu zute parte, besteak beste: Jorge Rodríguez, Asier Salicio eta Rosalina Pérez ikerlariak (CIDETEC Surface Engineering-eko), Borja Fernández (Aveq-Kimica), Sergi Dominguez (HEMPEL), eta Antonio Montoliu (CHEMPLATE CHEMPLATE).

“Korrosioa karakterizatzeko eta ebaluatzeko metodo elektrokimikoak” mintegia, CIDETECk eta GOMENSOROk elkarrekin irakatsi zutena, Arima hotelaren instalazioetan egin zen, Gipuzkoako Zientzia Parkearen barnean, ekainaren 19an, helburu honekin: teknika elektrokimikoak materialen korrosioa eta portaera kontrolatzeko metodologia gisa industriara hurbiltzea, neurketak modu azkarrean, eraginkorrean, merkean eta sistematikoan egiteko aukera ematen baitu.

Gatz-lainoaren saiakuntza azeleratua (industrian onartua dagoena eta korrosioaren aurkako ebaluazioa egiteko tresna gisa erabiltzen dena) iraunkortasunari buruzko informazioa (eraso maila) ematen du, saiakuntzak irauten duen denboraren araberakoa. Hala ere, korrosioaren izaera elektrokimikoa dela jakinda, badaude saiakuntza azeleratuen ordezko metodoak, korrosioaren abiadurari buruzko informazioa berehala eman eta denboran zehar daukan eboluzioa monitorizatzeko gai direnak. Funtsezko abantaila bat izan daiteke eraso-abiadura denbora oso laburrean baliozta daitekeela, eta, horrela, materialek korrosioa pairatzeko suszeptibilitatea ebaluatzeko aukera ematen du, modu orokorrean zein lokalizatuan.

Ehun profesional inguruk teknika hauek zuzenean ezagutzeko aukera eduki zuten, arlo honetako hainbat adituen hitzaldiei esker. José Antonio Díez eta Gemma Vara (CIDETEC) eta Roberto Conde (Gomensoro) doktoreek aurkeztu zuten jardunaldia. Jesús Manuel Vega doktoreak (CIDETEC) “Korrosioa kontrolatzeko teknika elektrokimikoak” jardunaldia eman zuen. Jesús García de la Fuentek (Gomensoro), aldiz, teknika elektrokimikoekin lan egiteko araudiei buruz hitz egin zuen.

Jardunaldiaren bigarren atalean CIDETECko eta Gomensoroko profesionalek hainbat kasu praktiko aurkeztu zituzten.

Jardunaldia amaitzeko, CIDETEC Surface Engineering-eko instalazioak bisitatu ziren.