Surface Engineering

CIDETECek aktiboki parte hartuko du INN-PRESSME proiektuan

Bilgarrien, automobilgintzaren eta beste kontsumo-ondasun batzuen industriek 14.5 milioi euro jaso dituzte Europar Batasunaren Horizon 2020 programaren finantzaketaren barne, petroliotik eratorritako ondasunak oinarri biologikoko produktuekin ordeztea helburu duten proiektuak aurrera eramateko. INN-PRESSME proiektuak ekosistema gisa funtzionatuko du, ontzi, bilgarri, ibilgailu, energia eta kontsumo-ondasun birziklagarri eta/edo biodegradagarrien garapena sustatuz.

Finlandiako VTT Ikerketa Teknikoko Zentroak koordinatuta, Europako bederatzi herrialdetako beste 26 erakundek parte hartu dute proiektuan, horien artean CIDETEC, CIDETEC Surface Engineering eta CIDETEC Energy Storage-ren bitartez.

INN-PRESSME ekosistema berriaren muina (izen osoa, “Open innovation ecosystem for sustainable plant-based nano-enabled Biomaterials deployment for packaging, energy/transport, and consumer goods” [Bilgarrietan, energia/garraioan eta kontsumo-ondasunetan erabiltzeko landareetan oinarritutako biomaterial jasangarriak hedatzeko berrikuntza-ekosistema irekia])Europako hamar bazkideren gailu pilotuek osatzen dute. Ekosistemaren zerbitzuei esker, balio erantsi handiko produktu birziklagarri eta biodegradagarri berriak gara daitezke, baita petroliotik eratorritako produktuak ordezkatzen dituzten soluzioak ere.

Berrikuntza irekiaren printzipioan oinarritzen den proiektu honen helburuetako bat Europa mailako ekosistema bat sortzea da, hainbat tamainatako enpresei ikerketa eta esperimentazio-zerbitzuak eskainiko dizkiena. Ekosistemak aukera emango die enpresei produktu berrien garapenarekin lotutako arriskuak murrizteko eta merkaturako sarbidea bizkortzeko.

CIDETECek proiektuan duen helburu espezifikoa tintak formulatzeko linea pilotua hobetzea da (CIDETEC Surface Engineering), bai eta estaldura jarraituko linea pilotua ere (CIDETEC Energy Storage). Linea pilotu hori erabiliko da (nano) zelulosan oinarritutako elektrolitoak eta konposatuak handiagotzeko, etiketa adimendunetan (bereziki, pantaila eta bateria elektrokromikoetan) eta ultrakondentsadoreetan aplikatzeko.

INN-PRESSMEk Europar Batasunaren Horizon 2020 ikerketa eta berrikuntzarako programaren esparruan finantziazioa jaso du (952972 zenbakidun diru-laguntza akordioa).

Proiektuak biomaterialetan oinarritutako produktuak eskaintzen ditu, eta 2021eko urtarrilaren 1ean jarri zen martxan, 2025eko urtarrilaren 31ra arte.

VTT-k koordinatuta, INN-PRESSME proiektuan kide hauek ere hartzen dute parte:

– Belgika: Innovation in Research & Engineering Solutions (IRES), Greenovate! Europe EEIG
– Finlandia: Keskuslaboratorio Oy – Centrallaboratorium Ab (KCL), Walki Plastiroll Oy
– Frantzia: Centre Technique Industriel de la Plasturgie et des Composites (IPC), Commissariat à l ‘Énergie Atomique et aux Énergies Alternatives (CEA), Polymaris Biotechnology SAS, Arjowiggins France
– Alemania: Fraunhofer-Gesellschaft zur Förderung der angewandten Forschung e. V., WSVK OEDERAN GmbH, Skeleton Technologies GmbH
– Italia: Stam srl, Centro Ricerche Fiat SCPA
– Polonia: Instytut Włókien Naturalnych i Roślin Zielarskich
– Espainia: Fundación CIDETEC, Fundación AITIIP, Asociación de Investigación de Materiales Plásticos y Conexas (AIMPLAS), Gnanomat SL, Global Equity & Corporate Consulting SL,

Asociación Española de Normalización (UNE), MAIER S. Coop, Albéa Services, Podoactiva SL

– Suedia: Rise Processum AB, Skanem Skurup AB
– Erresuma Batua: Granta Design Ltd. 

Deskribapena: biomaterial filma egiteko erabili zen nanozelulosazko bola.
Iturria: VTT-ren copyright

NEOCROSS deritzo konposite berri horri, eta nabarmen murriztuko ditu ekoizpen- eta mantentze-kostuak

Cidetec Surface Engineering buru-belarri ari dira mantentze-kostuak eta denbora nabarmen murriztuko dituen aeronautika- eta energia-industriarako material berri bat garatzen. Ikerketa hori NEOCROSS proiektuaren zati da, eta proiektuaren helburua desmuntatzeko gaitasuna duten errendimendu handiko konposite eta epoxi itsasgarrien belaunaldi berri bat garatzea eta eskaintzea da.
Konposite berri horiek ohiko metodoen bidez ekoitziko dira, baina, gaur egungoak ez bezala, desmuntatu eta erraz konpondu ahal izango dira kaltetutako eremuan beroa eta presioa ezarrita.

NEOCROSS proiektuan garatuko diren konpositeek ohiko termoegonkorren abantaila guztiak dituzte (prestazio termiko eta mekaniko handiak), eta gainera, Cidetec-ek garatutako 3R teknologiaren abantaila guztiak dituzte:
konpongarritasuna, birprozesagarritasuna eta birziklagarritasuna. Hori 3R propietateen arduraduna den lotura dinamiko horiek duten erretxin termoegonkorreko sistema berritzaileari esker gertatzen da.

NEOCROSSek eskaintzen duen abantaila handienetako bat ekoitzitako piezak konpontzeko gaitasuna da, eta horrela, konpositeak konpontzeko gaur egungo teknologien eragozpen gehienak saihesten dira. Material berri hau konpontzeko beroa eta presioa aplikatu behar dira konpongailu eramangarri baten bidez.
Horrela, minutu gutxi batzuk beharko dira orain arte orduak, edota egunak, behar ziren eragiketak egiteko, eta propietateak % 100ean berreskuratuko dira.
Gainera, desmuntatzeko NEOCROSS itsasgarri berriak kaltetutako zatiak nahieran erraz bereizten utziko du, eta desijeztatutako zatiak desmuntatu egin ahal izango dira konpontzeko.

NEOCROSSen berrikuntzekin konponketa-teknologia azkarragoak eta merkeagoak garatu ahal izango dira konposatuak desijeztatzeko, ekoizpenean nahiz zerbitzuan ekoitzitakoak, eta gainera ekoizpenean baztertutako piezak ere berreskuratu ahal izango dira.
Horrekin guztiarekin airelineen kostuak murriztu egingo dira, baita haize-sorgailuen ekoizpenarenak eta mantentze-zentroenak ere.

NEOCROSS proiektua, “Propietate konpontzaileak dituen epoxi-matrizeko konposite berria gurutzadura dinamikoaren bidez”, EUREKA markoko herrialde-kideek eta Europar Batzordeak batera finantzatzen dute, eta 2023an amaituko da.
Proeiktua GAIRESAk koordinatzen du eta, Cidetec Surface Engineering-ekin batera, SOFITEC,GMI Aero SAS eta RESCOLLek parte hartzen dute.

Helburua da energia termoelektrikoa sor dezaketen funtzio anitzeko material konposatu estrukturalak garatzea (TEG)

Bi urte bete dira dagoeneko HARVEST proiektuak lehenengo urratsak eman zituenetik eta inplikatutako ikertzaileek, CIDETECen laguntzarekin, sektore aeronautikorako teknologia berritzaileen garapenean lan egiten jarraitzen dute, energia termoelektrikoa sor dezaketen funtzio anitzeko materiak konposatu estrukturalak lortzeko xedez.

Horretarako, norabide bakarreko karbono zuntzezko errefortzuak eta CIDETECek patentatutako epoxi 3R –konpongarria, birziklagarria eta birprozesagarria–  matrize-sistema berriak konbinatzen ditu HARVESTek. Helburuak erdiesteko, funtsezkoa izaten ari da Europako sei herrialdeetako hamaika bazkideen aurretiazko esperientzia.

CIDETECen eginkizuna da energia termoelektrikoa sortzeko gaitasuna duten pieza konposatu hierarkikoak garatzeko bide-orria zehaztea eta hala, propietate elektriko eta termiko hobetuak dituzten 3R erretxinen garapenarekin eta material horiek aeronautikako sektorerako konposatu termoelektriko konpongarrien fabrikazioan aplikatzearekin lotutako funtsezko jarduera teknikoak ezarri egiten ditu. Era berean, haren eginkizuna da lortutako aurrerapenak jakinarazi eta zabaltzea eta web-atari bat sortu du HARVESTen proposamenaren berri emateko.

Proiektu hau 2018ko irailean jarri zen martxan, Europar Batasunak finantzatutako H2020 programaren baitan, eta gutxienez, 3 urteko iraupena izango du.

CIDETECek poz handiz aurkezten du H2020 proiektu berria, Carbo4Power: “itsasoko turbinen pala berritzaileak, nanoteknologia bidezko multimaterial hibridoz osatutako egitura adimendunak dituztenak, fabrikazio aurreratuari esker”. Proiektuaren helburu nagusia itsasoko haize-turbinetarako pala errotore iraunkorragoak, funtzio anitzekoak eta digitalizatuak sortzea da, turbinen errendimendua hobetzeko. Kontzeptu berritzaile honen oinarria nanoeraldatutako (multi)material hibridoak eta haien egitura adimendunak dira, haize- nahiz marea-turbinen palak egiteko aukera ematen dutenak. Ekimen hau Atenaseko Unibertsitate Tekniko Nazionalak koordinatzen du eta 18 bazkide ditu, Europar Batasuneko 9 herrialdetakoak: Grezia (NTUA, Biog3D Nees Texnologies 3D), Frantzia (IRT Jules Verne, Sabella, Sense in), Espainia (CIDETEC, AIMEN, ITAINNOVA), Belgika (IRES), Alemania (FRAUNHOFER IFAM), Erresuma Batua (University of Birmingham, Catapult, HAydale, Cambrige Nanomaterials technology), Estonia (Aideas), Austria (Bionic Surface Technologies) eta Portugal (Inegi).

CIDETECek 1. lan-paketeko buru gisa hartuko du parte Carbo4Power proiektuan, nanoeraldatutako material konposatuak garatzeko. Nanoeraldatutako material konposatu jasangarri berriak sortuko ditu CIDETEC-ek, 3R teknologia propioari esker; izan ere, teknologia horren bidez epoxi erretxinezko formula dinamikoak lortzen baitira zuntzez indartutako material konposatuetarako (informazio gehiago lortzeko, joan hona: https://cidetec.es/en/top-achievements/3r-leading-technology).  Formula horiek egoera bakoitzean behar diren baldintza espezifikoetara eta erabiliko den fabrikazio prozesura egokituko dira. Horri esker, turbinen palak konpontzea eta birziklatzea errazagoa izango da.

Halaber, CIDETECek turbina bakoitzaren ezaugarri funtzionaletara doitutako estaldurak eskainiko ditu, itsasoko energia-instalazioen iraunkortasuna eta errendimendua hobetzeko. Horretarako, elementu omnifobikoak erabiliko dira; esaterako, teknologia omnifobikoak. “Ionogel” teknologia patentatuak azpiko substratuari ezer ez atxikitzea ahalbidetzen du, azal irristakorrak eta automatikoki garbitzeko ezaugarriak emanez palei, founlinga saihesteko. Hori lortzeko, lurrun-presio txikiko lubrifikatzaileak eta energia gutxiko azaletarako polimeroak erabiltzen dira (informazio gehiago lortzeko, joan hona:  https://cidetec.es/en/top-achievements/omniphobic-surfaces).