Surface Engineering

Formulazio horiek gaur egun daudenak baino jasangarriagoak dira, eta azalerak korrosiotik babesteko aukera emango dute, CO2 isuriak % 40 murriztuz eta kostuetan % 20 aurreztuz.

Polimero kromatuzko eta aluminiozko piezen konplexutasun geometrikoa, automobilgintzan, aeronautikan edo eraikuntzan erabiltzen direnak, erronka bat da korrosioarekiko erresistentzia ekarriko dieten estaldurak aplikatzeko, aipatutako industrien eskakizun zorrotzak gainditzeko beharrezkoa dena. Sol-gel estaldurak pinturen alternatiba eraginkorra dira korrosioaren aurrean, baina aplikatzeko ohiko metodoek, espraiatzeak edo murgiltzeak adibidez, mugak dituzte eta ez dira piezaren azalera osoan sartzen geometria konplexua denean. Ondorioz, denboraren poderioz, piezak hondatu egiten dira, haien bizitza erabilgarria murriztu egiten da, edo zailtasun hori konpontzeko diseinu ez hain konplexuak egiten dira.

Eurostars ELECTROGEL proiektuak Enterprise Ireland (Irlandako bazkideentzat) eta CDTIren (Espainiako bazkideentzat) finantzaketa du, eta TU DUBLIN eta Kastus erakundeek garatutako sol-gel formulazio bat egokitzea du helburu, elektrogordailua egiteko eta ia % 100eko estaldura-eraginkortasuna lortzeko behar den eroankortasuna emanez. Horretarako, TU DUBLIN enpresak hainbat motatako gehigarri eroaleak sartuko ditu, eta KASTUS enpresa irlandarra arduratuko da garatutako formulazio berria prestatzeko prozesua eskalatzeaz. MAIERek eta MUGAPEk formulazio berria baliozkotuko dute polimero kromatuzko eta aluminiozko piezetan, hurrenez hurren, garraioaren eta eraikuntzaren sektoreetarako. Formulazio berritzaile horri eta aplikazio-metodoari esker, CO2 isurketak % 40 murriztu ahal izango dira, energia-kontsumoa % 15eraino eta kostuak % 20raino.

CIDETEC Surface Engineering, MAIER eta MUGAPEko kolaboratzaile gisa, sol-gel eta elektrodeposizioan duen esperientzia proiektuaren zerbitzura jartzeaz arduratuko da. Zentroak tratamendu elektrokimiko eta kimikoen lerro pilotuak ditu, baita estaldurak probatzeko eta baliozkotzeko gaitasunak ere.

CIDETEC Surface Engineering-ek azterketa multiparametrikoa egiteko talde berri bat erantsi dio bere eskaintza teknologikoari, elektrolito galvanikoekin lan egiteko (Metrohm Process Analytics prozesu analizatzailea). Sistema horri esker, azterketarako teknika desberdinak uztartuta, askotariko parametro kimiko kritikoak (pH, gehigarriak, gatzak) automatikoki eta sarean karakteriza daitezke, lagin bakar batetik eta tresna bakarraren bidez; ondorioz, prozesuen sendotasuna, efizientzia, produktibitatea eta kalitatea hobetzen da. Zehazki, CIDETEC Surface Engineering kobre azidoaren eta nikel kimikoaren elektrolitoak kontrolatzeko ari da erabiltzen analizatzaile hori.

 

Horrela, CIDETEC Surface Engineering-ek gainazalen tratamendu hezeen sektore tradizionalera hurbildu du digitalizazioa. Orain arte, sektore horren arazoetako bat izan da elektrolitoak kontrolatzeko eta aztertzeko denboren ondorioz prozesuen optimizazioa moteldu egiten dela. Lagin bakarretik modu automatikoan parametro bat baino gehiago zehaztu ahal izateak guztiz iraultzen du prozesuen errendimendua eta, horri esker, errazagoa izango da prozesu horiek kontrolatzea eta monitorizatzea, eta laborategiko langileek denbora gutxiago eskaini beharko diote zeregin horri. 4.0 industria luzaroan egongo da gure artean, eta sektore guztietara hedatuko da.

Datorren apirilaren 27an CIDETECek eta CDTIk mintegi bat antolatuko dute, non, CDTIren laguntza-tresnez gain, 2021eko Euskadiko emaitzak eta 2022rako berrikuntzak aurkeztuko dira

Ekitaldia Gipuzkoako Parke Zientifiko eta Teknologikoan izango da, eta online jarraitu ahal izango da

 

Aldakorra den eta lehiakorrak izaten jarraitzeko berritzea ezinbestekoa den errealitate baten aurrean, ezinbestekoa da bertatik bertara ezagutzea zer tresna ditugun merkatuak aurkezten dizkigun erronkei aurre egiteko.

Testuinguru horretan, CIDETECek eta CDTIk mintegi bat antolatu dute. Bertan, CDTIko Erakunde Sustapeneko eta Lurralde Lankidetzako Sailak CDTIko laguntza-tresnak aurkeztuko ditu, bai eta 2021eko Euskadiko emaitzak eta 2022ko berrikuntzak ere. Jardunaldia CDTIko laguntza-tresnen aurkezpenarekin hasiko da, María del Pilar Román Fernández Saileko kidearen eskutik.

Ekitaldia apirilaren 27an izango da, asteazkena, 11: 00etatik 12: 00etara, Gipuzkoako Parke Zientifiko eta Teknologikoaren eraikin nagusian, baina online ere jarraitu ahal izango da, honako esteka honen bidez: www.eventocdti.cidetec.es/

AGENDA:

11:00	Bienvenida	Javier Goñi Business Development Manager – Cidetec Surface Engineering
11:10	Instrumentos de Ayuda del CDTI	Maria del Pilar Roman Fernande Departamento de Promoción Institucional y Cooperación Territorial – CDTI
11:35	Resultados País Vasco 2021 y Novedades 2022	Pilar González Gotor Jefa del Departamento de Promoción Institucional y Cooperación Territorial – CDTI
12:00	Turno de Preguntas	Moderado por Javier Goñi Business Development Manager – Cidetec Surface Engineering
12:10	Cierre y conclusiones	Javier Goñi Business Development Manager – Cidetec Surface Engineering