CIDETEC Energy Storage, ikerketa-komunitatearen ordezkaria BEPAn

Europako baterien berrikuntza gidatuko du plataformak

130 erakundek baino gehiagok, besteak beste CIDETECek, Batteries European Partnership Association (BEPA) sortu dute, datorren hamarkadan Europan leihakorrak diren baterien balio-katea eraikitzeko ikerketa bultzatzea asmo duena.
Enpresek, ikerketa-zentroek eta energia biltegiratzeko elkarteek, zerbitzu publikoek eta beste industria-sektore batzuek bat egin dute jarduera publiko eta pribatua indartu eta zuzendu nahi duen ekimen honekin.

BEPA Europako ikerketa-, garapen- eta berrikuntza-plataforma nagusia da.
Baterien ikerketa- eta berrikuntza-agenda definitzeaz eta exekutatzeaz arduratuko da Europar Batasunean, eta ikerketa publikoa eta pribatua indartuko dituen neurriak hartzea espero da 2021eko lehen zatian.

Pasa den abenduaren 14an plataformaren lehen Batzar Nagusia egin zen, eta estatutuak onartu ziren eta, kideen arteko botaketa baten bidez, gobernu-erakundeen (Batzorde exekutiboa eta Batzorde delegatua) osaera aukeratu zen, baterien balio-kate guztiko industria-ordezkariak ditu.

Oscar Miguel, CIDETEC Energy Storage-n zuzendaria, Baterien Europar Ekosistemako arlo desberdinetan ibilbide zabala duena, BEPA aginte-paneleko zentroen ordezkarietako bat bezala aukeratu zuten, eta erakundean ordezkaritza duen ordezkari nazional bakarra izango da. Gainerako hautetsiekin batera, CEA-Liten, Sintef, Uppsalako Unibertsitate eta Fraunhofer-eko lau ordezkari, Oscar Miguel baterien berrikuntzaren europar ekosistema definituko duen arduradunetako bat izango da datozen urteetan.