Sin categorizar

Cidetecek 166002:2014 arauaren ziurtagiria lortu du, zeinak baliozkotzen baitu zentroak I+G+Ba kudeatzeko duen sistema bat datorrela aipatutako arauaren arabera aplikatu behar diren eskakizunekin. Urtebete baino gutxiago behar izan du zentroak kudeaketa-eredu hori ezartzeko, eta, aldi berean, ISO 9001 arauaren 2015eko bertsiora egokitu du bere jarduna; ziurtagiriak berretsi du CICETECek betetzen dituela kalitatea kudeatzeko sistemen eskakizunak.

Hori lortzeko, erakundeak bi ikuskapen-fase gainditu behar izan ditu. Iazko urrian eta azaroan egin zituen biak SGSko auditore-talde batek, eta haiek egiaztatu zuten zentroaren I+G+Ba kudeatzeko sistemak betetzen dituela aipatutako baldintzak. Horretarako, zentroaren barne-prozesuak eta prozedurak berregituratu dira, bikaintasunera eta etengabeko hobekuntzara bideratutako kudeaketa-eredu integratua lortzeko.

Hans-Jurgen Grande eta Ramón Tena doktoreak Zientzia, Teknologia eta Berrikuntzaren Euskal Sarearen esparruan azaroan omendutako 21 ikertzaileetako bi dira.

Ekitaldiak, Ekonomiaren Garapen eta Azpiegitura Sailak bultzatua, Iñigo Urkullu lehendakaria izan zuen buru. Omendutako ikertzaile bakoitzak diploma bat jaso zuen, azken urteetan teknologia-zentroetan eta CIC ikerketa kooperatiboko zentroetan egindako lanaren aintzatespenaren erakusgarri.

Lehendakariak Arantza Tapia sailburuarekin eta Estibaliz Hernaez sailburuordearekin batera egindako agerraldian esan zuenez: “Lantoki dituzuen zentroek gero eta emaitza hobeak dituzte, kalitate handiagoko I+G+Bko proiektuak garatzen dituzte, eta eragile askotarikoen arteko lankidetza eraginkorragoa bultzatzen. Eta hori ez du Gobernuak bakarrik esaten, enpresak ere zuzen-zuzenean ari baitira bizitzen aldaketa hori”.

KaRMA2020 proiektuari proiektu inSPIRE-atzailearen saria eman diote “Zenbait energia-iturriren balorizazioa / Lehengai alternatiboak erabiltzen dituzten prozesu moldagarriak” saioan, irailaren 19an, Bruselan, SPIREren Europako Prozesu Industriaren 2017ko Batzarrean.

SPIREren epe ertaineko politiken ekitaldia da Prozesu Industriaren Batzarra; urtean behin egiten da, eta Europako prozesu-industriako interes-talde garrantzitsu guztiak biltzen ditu. Ekitaldi honetan, Europako prozesu-industriaren etorkizunaren irudi bat egiten saiatu dira; orobat aurkeztu da zer inplementa daitekeen baldin eta inbertsio egokiak badaude. Arratsaldean, 52 INSPIRE proiektu aurkeztu ziren hiru saio paralelotan, eta entzuleek proiektu inSPIRE-atzaileenak aukeratu zituzten, hiru saioetan. Haietako bat izan zen KaRMA2020.

“Horizon2020 TOPIC SPIRE-03-2016: Teknologia industriala Europako bio-baliabideei balioa emateko, balio erantsi handiko prozesu-kateen bio-baliabide izan daitezen” esparruan sortu zen, eta hau da haren izen osoa: “Industriako luma-hondakinei balioa ematea keratinan oinarritutako material jasangarrietan erabiltzeko”. Luma-hondakinetatik eratorritako lehengai jasangarriaren fabrikazio- eta ustiapen-industria du helburu, sektore anitzeko eta eragin handiko merkatuetarako produktu berde eta berritzaileak garatzeko. CIDETECek koordinatzen du proiektua, eta han parte hartzen dute hiru enpresa handik (SADA taldea, Fertiberia eta SIOEN), zazpi ikerketa-zentrok (CIDETEC, AIMPLAS, VTT, PRocessum, SP, IBWCH eta CENTEXBEL) eta unibertsitate batek (CNRS). 2017ko urtarrilean jarri zen martxan, eta 2019ko abenduan bukatuko da.

Proiektu honetan sortuko diren karma eta emaitza positiboen seinale da sari hau, zalantzarik gabe. Zorionak taldeari!

https://www.spire2030.eu/sites/default/files/users/user85/13.%20KaRMA2020_OK.pdf

Hautagaitzetako epaimahai ebaluatzaileko buru izan den Iluminada Gallardo Doktoreak, 2016. edizioari dagozkien sarien epaia ezagutzera eman du.

“Ikerketa zientifikoa” ataleko CIDETEC 2016 Saria, 4.000 euroko dirusaria duena, Kataluniako Nano-zientzia eta Nanoteknologia Institutuko PEDRO GOMEZ ROMERO irakasleak ordezkatutako ikerketa taldeak azken lau urteetan Elektrokimikaren Ikerketan garatutako lanari esleitu zaio.

Bestalde, “Ikerlari Gazteak” ataleko CIDETEC 2016 Saria, 2.000 euroko dirusariaz, Kopenhageko Unibertsitateko MARIA ESCUDERO ESCRIBANO hautagaiarentzat izan da.

Bartzelonako Unibertsitate Autonomoko Gallardo doktoreaz gain, Alikanteko Unibertsitateko Vicente Montiel doktoreak, Burgoseko Alvaro Colina Santamaria doktoreak eta CIDETEC eko Hans-Jürgen Grande doktorearen idazkari gisa jardun duen Kantabriako Unibertsitateko Inmaculada Ortiz Uribe doktoreak osatu dute epaimahaia.

CIDETEC Sarien helburua, era guztietako teknologia elektrokimikoen azterketa zientifikoa, garapen teknologikoa eta eraberritze industriala bultzatzea da. Ikerketa Zientifikoa ataleko hautagaiak ebaluatzeko irizpideri dagokionez, kalitate zientifikoaren ondorengo alderdiak hartu dira kontuan , emaitzen garrantzia, ezargarritasun industriala eta Elektrokimikaren inguruan egindako ikerketaren alderdi berritzailea. Bestalde, Ikertzaile Gazteak ataleko hautagaiak ebaluatzeko, ekoizpen zientifikoa , hautagaiaren CV aren bikaintasuna eta Elektrokimikaren aurrerabiderako egindako ekarpena izan dira erabilitako irizpideak.

Sariak, 2017 ko Uztailean Vitoria-Gasteiz en gauzatuko den RSEQ en XXXVIII. Elektrokimika Taldearen Bilkurarekin bat eginez emango dira. Bilkuran zehar, atal bakoitzeko irabazleek hitzaldi bat emango dute euren hautagaitzaren edukiaren inguruan.